HAUSPOA

Hauspoa proiektuaren barruan, Zaraobe Institutuak irakasgai guztiak eta legez ezarritako ordu guztiak goizez eskainiko ditu; arratsaldez, berriz, astelehen, astearte eta asteazkenetan ikasleek 15:10etik 16:20ra izango dute Institutuan lan egiteko aukera, eta ikastetxeak duen azpiegitura guztia izango dute horretarako.

Era berean, laguntza indibidualizatuak ezarriko dira hainbat irakasgaitan, eta sormen-tailerretan lan egiteko aukera emango da.

Honako hauek dira lortu nahi diren helburu nagusiak: 

• Ikastetxearen kalitatea handitzea, autonomia indartuz urratzeko bikaintasunerako bidea. 

• Eskola‐denboren kudeaketa-eredu berriak erabili eta ebaluatzea. 

• Ikastetxeen ekitatea hobetzen laguntzea, eta horretarako, jardueren eskaintza bat egitea. Eskaintza horrek ez die kostu gehigarririk eragin behar familiei eta ez du ikastetxearen egungo zerbitzu‐eskaintza desagerrarazi behar. Eskaintza horrek ekarpen bat egin behar du ikasle guztiek hezkuntza‐arrakastaren bidea urra dezaten.

•  Ikasleek, eskola‐orduetatik kanpo, konpetentziak eskura ditzaten bultzatzea.

•  Emaitzen eta bizikidetzaren hobekuntza sustatzea.

•  Euskeraren erabilera bultzatzea eskola orduz kanpo.

•  Ikasleen autonomia lantzea.

Proiektu honek ikastetxeko jardunean bi jarduera mota desberdintzen ditu: alde batetik, ordu lektiboak (goizez), derrigorrezkoa ikasleentzat, eta bestetik ez-lektiboak (Hauspoa), doakoak, borondatezkoak baina bertaratze konpromisoarekin. (Batzuk urritik-maiatzera artekoak, beste batzuk hiruhilekoak).

Ordutegia  ez lektiboa- HAUSPOA

Ordutegia urtarrila-otsaila

Kontaktua: hauspoa@zaraobe.net